--------------------------------------------------------------------------------
صعبة فركتك صارت وبعدك ولاهان.
وصرت اني بجمالك معجب وولهان.
وبعد ماكدرت اصيح من الجروح ولاهن.
كدرن ايصيحن ويكولن شبيه.
&&&&&&&&&&&&&&&&&&&&&&&&&&&&
هي مرة وصارت بالحلم بستااني.
وشلون اقبلة ياخذ وردة بستاني.
صحتة مرة وكتلة ولك بس تاني.
لان عندي حجاية بكلبي ضاكت عليه.
&&&&&&&&&&&&&&&&&&&&&&&&&&&&
تمنيت اني جارك وانت جاري.
لان كمت اشتري شوفتك وان تجاري.
ومن حبك صرت نهر يابس وانت جاري.
وتاليها تبيع المي عليه.
&&&&&&&&&&&&&&&&&&&&&&&&&&&&&
الابوذيات بقلمي وهي لاول مرة انشرها ارجوا الرد عليها